Eg heiter Julie Varga og er personleg trenar med solid fagleg bakgrunn og brei erfaring innan trening og opptrening. Eg har ein lang idrettsbakgrunn frå volleyball og er utdanna fysioterapeut frå OsloMet (2023).

Som PT hjelper eg deg med å byggje styrke, betre kondisjon, auke rørsleevne og få ein meir funksjonell og smertefri kvardag. Eg jobbar mykje med individuell tilpassing av trening, god teknikk og trygg progresjon, slik at du kan nå måla dine på ein effektiv og berekraftig måte.

Eg kan hjelpe deg som:

• ønskjer å kome i betre form og få meir overskot i kvardagen
• vil bli sterkare og tryggare i styrketrening
• treng opptrening etter skade eller operasjon
• ønskjer å førebyggje plager i muskel- og skjelettsystemet
• vil kombinere trening med ein aktiv livsstil over tid

Eg er oppteken av at trening skal vere tilpassa deg, dine føresetnader og kvardagen din. Enten du er nybyrjar eller erfaren, er målet mitt å gi deg verktøy, tryggleik og motivasjon til å utvikle deg – både på og utanfor treningssenteret.

Eg trivst best i aktivitet, enten det er styrketrening, anna trening eller friluftsliv, og gler meg til å hjelpe deg med å finne ei treningsform som passar for deg hos Puls Førde.